ಅಗ್ನಿ ಅವಘಡ .. ರಾಸುಗಳು ಹಾಗೂ ಮೇವಿನ ಬಣವಿಗಳು ಭಸ್ಮ

ವಿಜಯನಗರ :  ಜಿಲ್ಲೆ ಕೂಡ್ಲಿಗಿ ಪಟ್ಟಣದ ಸಂಡೂರು ರಸ್ತೆಯ ಹಳ್ಳದ ಬದಿಯಲ್ಲಿ, ಅಗ್ನಿ ಅವಘಡ ಸಂಭವಿಸಿ ರಾಸುಗಳು ಹಾಗೂ ಮೇವಿನ ಬಣವಿಗಳು ಭಸ್ಮಗೊಂಡಿರುವ ಘಟನೆ ಮಾ 19ರ ರಾತ್ರಿ 11 ಗಂಟೆಗೆ ಜರುಗಿದೆ. ಬಣವಿಗಳ ಮೇಲ್ಭಾಗದಲ್ಲಿ ಹಾದು ಹೋಗಿರುವ ವಿದ್ಯುತ್ ಪ್ರವಸಹಿಸುವತ್ತಿರುವ, ವಿದ್ಯುತ್ ತಂತಿ ತುಂಡಾಗಿ ಬಿದ್ದು ಬೆಂಕಿ ಅವಘಡ ಸಂಭವಿಸಿದೆ ಎಂದು. ಸ್ಥಳದ ವಾಸಿಗಳು ಪ್ರತ್ಯಕ್ಷ ದರ್ಶಿಗಳು, ಹಾಗೂ ಬೆಂಕಿ ಅವಘಡದಿಂದ ನಷ್ಟ ಅನುಭವಿಸಿರುವ ನೊಂದ ರೈತರು ದೂರಿದ್ದಾರೆ.

ಪಟ್ಟಣದ ಸಂಡೂರು ರಸ್ತೆಯಲ್ಲಿರುವ ಹಳ್ಳದ ಬದಿಯ ಏರಿ ಮೇಲೆ, ತಾತ್ಕಾಲಿಕ ಶೆಡ್ ನಿರ್ಮಿಸಿಕೊಂಡು ಆಶ್ರಯ ಪಡೆದಿರುವ. ಪಟ್ಟಣದ ವಾಸಿ ದುರುಗಪ್ಪ ಎಂಬುವರಿಗೆ ಸೇರಿರುವ, ಎರೆಡು ಕುರಿಗಳು ಹಾಗೂ ಮೇಕೆ ಆಕಳ ಕರು ಬೆಂಕಿಗಾಹುತಿಯಾಗಿವೆ. ಹರಿದು ಬಿದ್ದ ವಿದ್ಯುತ್ ತಂತಿಯಿಂದ ಹೊರ ಹೊಮ್ಮಿದ ಬೆಂಕಿಯ ಕೆನ್ನಾಲಿಗೆಯ ರಭಸಕ್ಕೆ, ಆರು ಮೇವಿನ ಬಣವಿಗಳು ಸಂಪೂರ್ಣ ಭಸ್ಮವಾಗಿವೆ. ಅವಘಡ ಘಟನೆ ಸಂಭವಿಸಿರುವುದರ ದೂರು ಆಲಿಸಿದಾಕ್ಷಣ, ಕೂಡ್ಲಿಗಿ ಅಗ್ನಿ ಶಾಮಕ ದಳದವರು ಸ್ಥಳಕ್ಕಾಗಮಿಸಿ ಅಗ್ನಿ ತಹಬದಿಗೆ ತರೋ ಪ್ರಯತ್ನ ನಡೆಸಿದ್ದಾರೆ. ಬೆಂಕಿ ಅನಾಹುತ ಜರುಗುತ್ತಿರುವ ಮಾಹಿತಿ ತಿಳಿದಾಕ್ಷಣ, ಪಟ್ಟಣ ಪಂಚಾಯ್ತಿ ಅಧ್ಯಕ್ಷ ಕಾವಲ್ಲಿ ಶಿವಪ್ಪನಾಯಕ ಘಟನಾ ಸ್ಥಳಕ್ಕೆ ದಾವಿಸಿದ್ದಾರೆ. ಪಟ್ಟಣ ಪಂಚಾಯ್ತಿ ವತಿಯಿಂದ JCB ಯಂತ್ರದ ಸೌಲಭ್ಯ ಒದಗಿಸಿದ್ದಾರೆ, ಅಗ್ನಿ ಶಾಮಜ ದಳದ ಕಾರ್ಯಚರಣೆಗೆ ಸೂಕ್ತ ಸಹಕಾರ ಹಾಗೂ ಅಗತ್ಯ ನೆರವು ನೀಡಿದ್ದಾರೆ.

ನೊಂದವರಿಗೆ ಸಾಂತ್ವಾನ ಹೇಳಿದ್ದು ಅಗತ್ಯ ಪರಿಹಾರ ಕುರಿತು, ಶಾಸಕರಲ್ಲಿ ಮನವಿ ಮಾಡುವುದಾಗಿ ಹಾಗೂ ಸಂಬಂಧಿಸಿದ ಇಲಾಖೆಗೆ ಒತ್ತಾಯಿಸುವುದಾಗಿ ಭರವಸೆ ನೀಡಿದ್ದಾರೆ. ಅವರು ತಮ್ಮ ಸಹಚರರೊಂದಿಗೆ ಬೆಳಗಿನ ಜಾವ 2 ಗಂಟೆಯಚರೆಗೆ ಸ್ಥಳದಲ್ಲಿಯೇ ಠಿಕಾಣಿ ಹೂಡಿದ್ದು, ಅಗ್ನಿ ನಂದಿಸುವಲ್ಲಿ ಅಗ್ನಿ ಶಾಮಕ ದಳದೊಂದಿಗೆ ಸಹಕರಿಸಿದರು. ಈ ಸಂದರ್ಭದಲ್ಲಿ ವಾಲ್ಮೀಕಿ ಸಮಾಜದ ಯುವ ಮುಖಂಡ ಡಾಣಿ ರಾಘವೇಂದ್ರ ಸೇರಿದಂತೆ, ಮತ್ತಿರರು ಕಾವಲ್ಲಿ ಶಿವಪ್ಪರವರೊಂದಿಗೆ ಇದ್ದರು. ಸ್ಥಳೀಯ ಯುವಕರು ಇದ್ದರು. ಬೆಂಕಿಯು ಮೇವಿನ ಬಣವಿಗಳಿಗೆ ಆವರಿಸಿರುವ ಕಾರಣ ಹತೋಟಿಗೆ ಬಾರದಿರುವುದರಿಂದಾಗಿ, ನಂದಿಸಲು ಹೆಚ್ಚುವರಿಯಾಗಿ ಕೊಟ್ಟೂರು ಅಗ್ನಿ ಶಾಮಕ ದಳದ ಸಹಕಾರ ಪಡೆಯಲಾಗಿದೆ. ಕೊಟ್ಟೂರು ಮತ್ತು ಕೂಡ್ಲಿಗಿ ಅಗ್ನಿ ಶಾಮಕ ದಳದ, ಜಂಟಿ ಕಾರ್ಯಚರಣೆ ನಡೆಸಿ ಅಗ್ನಿ ನಂದಿಸಿದ್ದಾರೆ.

ಕೂಡ್ಲಿಗಿ ಅಗ್ನಿ ಶಾಮಕ ದಳ ಸ್ಥಳಕ್ಕಾಗಮಿಸಿ, ಮೇವಿನ ಬಣವಿಗಳಿಗೆ ಹೊತ್ತಿಕೊಂಡಿರುವ ಬೆಂಕಿ ನಂದಿಸುವ ಹರಸಾಹಸ ಮಾಡಿದ್ದಾರೆ. ಆದರೆ ಪ್ರಾರಂಭದಲ್ಲಿ ಬೆಂಕಿಯ ಕೆನ್ನಾಲಿಗೆ ತಹ ಬದಿಗೆ ಬಾರದ ಕಾರಣ, ಕೊಟ್ಟೂರು ಅಗ್ನಿ ಶಾಮಕ ದಳದ ನೆರವು ಪಡೆದಿದ್ದಾರೆ. ಎರೆಡೂ ಅಗ್ನಿ ಶಾಮಕ ದಳದ ಸಿಬ್ಬಂದಿಯವರು, ಒಟ್ಟು ಮೂರು ಅಗ್ನಿ ಶಾಮಕದಳದ ವಾಹನಗಳೊಂದಿಗೆ JCB ಯಂತ್ರದ ನೆರವಿನೊಂದಿಗೆ ಬೆಂಕಿಯನ್ನು ತಹಬದಿಗೆ ತಂದಿದ್ದಾರೆ. ಅಗ್ನಿ ಶಾಮಕದಳದ ಸಿಬ್ಬಂದಿ ಸತತ ಮೂರು ತಾಸುಗಳ ಕಾಲ ಕಾರ್ಯಚರಣೆ ನಡೆಸಿದ್ದು, ಮಾ ಇಂದು ಬೆಳಗ್ಗೆ ಬೆಳಗಿನ ಜಾವ 2ಗಂಟೆಯ ಸಮಯಕ್ಕೆ ಬೆಂಕಿ ಸಂಪೂರ್ಣ ನಂದಿಸುವಲ್ಲಿ ಯಶಸ್ವೀಯಾಗಿದ್ದಾರೆ. ಅಗ್ನಿ ಅನಾಹುತದಲ್ಲಿ ಬೆಂಗಿಯ ರಭಸಕ್ಕೆ ಸಿಲುಕಿ ಎರೆಡು ಟಗರುಗಳು ಮೇಕೆ ಆಕಳ ಕರು ಸುಟ್ಟು ಕರಕಲಾಗಿವೆ, ಬೃಹದಾಕಾರದ ದುಭಾರಿ ಭಾರೀ ಬೆಲೆಯ ಐದು ಮೇವಿನ ಬಣವಿಗಳು ಸಂಪೂರ್ಣ ಭಸ್ಮವಾಗಿವೆ. ಘಟನೆಯಲ್ಲಿ ಮಾಲೀಕ ದುರುಗಪ್ಪ ಹಾಗೂ ಬಸಪ್ಪ ಎಂಬ ಇಬ್ಬರು ತೀವ್ರ ಗಾಯಗೊಂಡಿದ್ದಾರೆ, ಅವರನ್ನು ಕೂಡಲೇ ಕೂಡ್ಲಿಗಿ ಸಾರ್ವಜನಿಕ ಆಸ್ಪತ್ರೆೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.