ಇಡೀ ಕಾಫಿನಾಡನ್ನೇ ಬೆಚ್ಚಿ ಬೀಳಿಸಿದೆ ಸ್ಕೂಲ್​ ಬಸ್ ಡ್ರೈವರ್​ ನ ಕೃತ್ಯ.. ಕೌಟುಂಬಿಕ ಕಲಹ  ಕುಟುಂಬಕ್ಕೆ ಅಂತ್ಯ ಹಾಡಿದೆ.. ಮಗಳೇ ಜೀವ, ಜೀವನ ಎನ್ನುತ್ತಿದ್ದ ವ್ಯಕ್ತಿ ಆಕೆಯ ಪಾಲಿಗೂ ಯಮನಾಗಿದ್ದಾನೆ..  ಹಾಗೂ ತಾನೂ ಸಾವಿನ ಮನೆ ಸೇರಿದ್ದಾನೆ. ಚಿಕ್ಕಮಗಳೂರಿನ ಮಾಗಲು ಗ್ರಾಮದ ರತ್ನಾಕರ್​ ಎಂಬ ವ್ಯಕ್ತಿ, ‘ಪೂರ್ಣಪ್ರಜ್ಞಾ ಸ್ಕೂಲ್’ನ​ ಬಸ್​ ಡ್ರೈವರ್ ಆಗಿದ್ದ​. ಈತ ತನ್ನ ಪತ್ನಿ ಮಾಡಿದ ಅದೊಂದು ತಪ್ಪಿನಿಂದ ಮನುಷ್ಯತ್ವವನ್ನೇ ಮರೆತು ರಕ್ಕಸನಾಗಿ ವರ್ತಿಸಿದ್ದಾನೆ. ತನ್ನ ಅತ್ತೆ, ನಾದಿನಿ ಹಾಗೂ ಮಗುವನ್ನೇ ಕೊಂದಿದ್ದಾನೆ. ಅಲ್ಲದೇ ಮೃತ ನಾದಿನಿ ಸಿಂಧು ಪತಿ ಅವಿನಾಶ್ ಕಾಲಿಗೂ ಗುಂಡೇಟು ಹೊಡೆದಿದ್ದಾನೆ. ಅತ್ತೆ ಜ್ಯೋತಿ, ನಾದಿನಿ ಸಿಂಧು, 7 ವರ್ಷದ ಮಗಳು ಖುಷಿಯನ್ನ ಕೊಂದಿರೋ ರತ್ನಾಕರ್​ ಈ ಮೂವರನ್ನೂ ಹತ್ಯೆ ಮಾಡುವ ಮುನ್ನ ವಿಡಿಯೋ ಮಾಡಿದ್ದಾನೆ.

ನನ್ನ ಕುಟುಂಬದವರಿಗೆ ಯಾರಿಗೂ ಹೇಳದೇ ನಾನು ಈ ನಿರ್ಧಾರವನ್ನ ಮಾಡಿದ್ದೀನಿ. ನನ್ನ ಹೆಂಡತಿ  ನನಗೆ ಮೋಸ ಮಾಡಿ ಹೋಗಿ 2 ವರ್ಷ ಆಯ್ತು. ಕೊನೆಗೆ ಪಾಪುವೂ ಬೇಡ ಅಂತ ಬಿಟ್ಳು, ಆ ಮಗುವನ್ನೂ ನಾನು ನೋಡ್ಕೋತಿದ್ದೀನಿ. ನನ್ನ ಜೀವನ ನನ್ನ ಮಗಳು, ನನ್ನ ಖುಷಿ, ಅವಳನ್ನ ಸ್ಕೂಲಲ್ಲಿ ಮಕ್ಕಳು ಕೇಳ್ತಾರೆ. ನಿಮ್ಮ ಅಮ್ಮ ಎಲ್ಲಿ, ಅಮ್ಮ ಎಲ್ಲಿ? ಅಂತ ಅವಳ ಫ್ರೆಂಡ್ಸ್​ ಎಲ್ಲಾ ಕೇಳ್ತಾರೆ.. ಅವಳು ನನಗೆ ಗೊತ್ತಿಲ್ಲದೇ ಅಲ್ಬಮ್​ನ ಪೋಟೋ ತೆಗೆದುಕೊಂಡು ಶಾಲೆಗೆ ಹೋಗಿ ಎಲ್ಲರಿಗೂ ಇವರೇ ನನ್ನ ಅಮ್ಮ ತೋರಿಸಿದ್ದಾಳೆ. ನನ್ನ ಮಗಳು ತುಂಬಾ ಬೇಜಾರು ಮಾಡ್ಕೊಂಡಿದ್ಲು.. ಅಂತಾ ವಿಡಿಯೋದಲ್ಲಿ ಹೇಳಿದ್ದಾನೆ.

ಅತ್ತೆ, ನಾದಿನಿ ಹಾಗೂ ಮಗುವನ್ನ ಕೊಂದು ಎಸ್ಕೇಪ್​ ಆಗಿದ್ದ ಆರೋಪಿ ರತ್ನಾಕರ್ ತಾನೂ ಸಹ ಆತ್ಮಹತ್ಯೆಗೆ ಶರಣಾಗಿದ್ದಾನೆ. ಪೊಲೀಸರು ಸ್ಥಳ ಪರಿಶೀಲನೆ ಮಾಡುವ ವೇಳೆ ಗುಂಡಿನ ಸದ್ದು ಕೇಳಿ ಎಲ್ಲರೂ ಬೆಚ್ಚಿಬಿದ್ದಿದ್ದಾರೆ. ಆ ಸದ್ದು ಬಂದ ತೋಟದೊಳಗೆ ಹೋಗಿ ನೋಡಿದಾಗ.. ಗುಂಡು ಹಾರಿಸಿಕೊಂಡು ರತ್ನಾಕರ್ ಸೂಸೈಡ್​ ಮಾಡ್ಕೊಂಡಿದ್ದಾನೆ. ಸ್ಥಳಕ್ಕೆ ಬಾಳೆಹೊನ್ನೂರು ಪೊಲೀಸರ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಒಟ್ನಲ್ಲಿ.. ಯಾರೋ ಮಾಡಿದ ತಪ್ಪಿಗೆ ಇನ್ಯಾರಿಗೋ ಶಿಕ್ಷೆ ಎಂಬಂತೆ.. ಪತ್ನಿ ಮೇಲೆ ಅದ್ಯಾವ ಪರಿಯ ಕೋಪ ಇತ್ತೋ ಗೊತ್ತಿಲ್ಲ… ರತ್ನಾಕರ್​ ಇಂತಹ ಕೃತ್ಯ ಎಸಗಿದ್ದಾನೆ.. ಸದ್ಯಕ್ಕೆ ರತ್ನಾಕರ್​ ಪತ್ನಿ ಎಲ್ಲಿದ್ದಾಳೆ ಅನ್ನೋ ಮಾಹಿತಿ ಲಭ್ಯವಾಗಿಲ್ಲ.. ಇಷ್ಟೆಲ್ಲಾ ಮಾಡಿ ತಾನೂ ಸಾವಿನ ಮನೆ ಕದ ತಟ್ಟಿರೋ ರತ್ನಾಕರ್​ ಸಾಧಿಸಿದ್ದಾದ್ರೂ ಏನು ಅನ್ನೋದೆ ಸದ್ಯದ ಪ್ರಶ್ನೆ.