ಸಿಹಿ ಸುದ್ದಿ.. ಬಾಹ್ಯಾಕಾಶಕ್ಕೆ ಗುಡ್​ಬೈ ಹೇಳಿ, ಭೂಮಿಯತ್ತ ಹೊರಟ ಸುನಿತಾ ವಿಲಿಯಮ್ಸ್

NASA ಮತ್ತು SpaceX ಅವಿರತ ಶ್ರಮದಿಂದ ಕೊನೆಗೂ ಬಾಹ್ಯಾಕಾಶ ನಿಲ್ದಾಣದಿಂದ ಇಬ್ಬರು ಗಗನಯಾನಿಗಳು ಹೊರ ಬಂದಿದ್ದಾರೆ. ಎಲಾನ್ ಮಸ್ಕ್ ಅವರ ಸ್ಪೇಸ್​ ಎಕ್ಸ್​ನ ಕ್ರೂ ಡ್ರ್ಯಾಗನ್ ನೌಕೆ ಮೂಲಕ ಸುನಿತಾ ವಿಲಿಯಮ್ಸ್, ಬುಚ್ ವಿಲ್ಮೋರ್​ ಭೂಮಿಯತ್ತ ವಾಪಸ್​ ಆಗ್ತಿದ್ದಾರೆ. ಅಮೆರಿಕ ಗಗನಯಾತ್ರಿ ನಿಕ್ ಹೇಗ್ ಮತ್ತು ರಷ್ಯಾದ ಗಗನಯಾತ್ರಿ ಅಲೆಕ್ಸಾಂಡರ್ ಗೋರ್ಬುನೋವ್ ವಾಪಸ್ ಆಗುತ್ತಿದ್ದಾರೆ.

ಬೆಳಗ್ಗೆ ಗಗನಯಾತ್ರಿಗಳು ಬಾಹ್ಯಾಕಾಶ ನೌಕೆ ಪ್ರವೇಶಿಸುತ್ತಿದ್ದಂತೆ ಪ್ರಯಾಣ ಪ್ರಾರಂಭಿಸಲು ಸೂಟ್ ಧರಿಸಿದರು. ಕ್ರೂ-10 ಗಗನಯಾತ್ರಿಗಳು ಹ್ಯಾಚ್ ಕ್ಲೋಸ್  ಮಾಡುವ ಮೂಲಕ ವಿದಾಯ ಹೇಳಿದರು. ಅನ್​ಡಾಕ್ ಬೆನ್ನಲ್ಲೇ ಬಾಹ್ಯಾಕಾಶ ನೌಕೆಯು ಅದರ ಡಿಸೆಂಟ್ ಪೇಸ್​ ಪ್ರವೇಶಿಸಲು ISSನಿಂದ ನ್ಯಾವಿಗೇಟ್ ಪಡೆಯಿತು. ಒಮ್ಮೆ ಅದು ಭೂಮಿಯ ವಾತಾವರಣ ಪ್ರವೇಶಿಸಿದ ನಂತರ ಬಾಹ್ಯಾಕಾಶ ನೌಕೆಯು ತನ್ನ ಇಳಿಯುವಿಕೆಯನ್ನು ಮತ್ತಷ್ಟು ನಿಧಾನಗೊಳಿಸಲು 4 ಪ್ಯಾರಾಚೂಟ್‌ ಆನ್​ ಮಾಡಲಾಗುತ್ತದೆ. ಫ್ಲೋರಿಡಾ ಕರಾವಳಿಯಲ್ಲಿ ಸುರಕ್ಷಿತ ಇಳಿಯಲು ಎಲ್ಲಾ ವ್ಯವಸ್ಥೆ ಮಾಡಿಕೊಳ್ಳಲಾಗಿದೆ. ಭಾರತೀಯ ಕಾಲಮಾನ 3:27 AM ಕ್ಕೆ ಸ್ಪ್ಲಾಶ್‌ಡೌನ್ ಆಫ್ ನಿರೀಕ್ಷಿಸಲಾಗಿದೆ. ವಿಲಿಯಮ್ಸ್, ವಿಲ್ಮೋರ್ ಇಳಿದ ನಂತರ ಸ್ಪೇಸ್‌ಎಕ್ಸ್​ನ ಚೇತರಿಕೆ ಹಡಗು ಸಿದ್ಧವಾಗಿರುತ್ತದೆ.

ಬೋಯಿಂಗ್‌ನ ಸ್ಟಾರ್‌ಲೈನರ್ ಬಾಹ್ಯಾಕಾಶ ನೌಕೆಯ ಮೊದಲ ಸಿಬ್ಬಂದಿ ಪರೀಕ್ಷಾ ಹಾರಾಟದ ಭಾಗವಾಗಿ ಸುನಿತಾ ವಿಲಿಯಮ್ಸ್ ಮತ್ತು ವಿಲ್ಮೋರ್ ಜೂನ್ 5, 2024 ರಂದು ಬಾಹ್ಯಾಕಾಶಕ್ಕೆ ಉಡಾವಣೆ ಆಗಿದ್ದರು. ಪ್ರೊಪಲ್ಷನ್ ಸಿಸ್ಟಮ್​ನಲ್ಲಿ ದೋಷಗಳು ಕಂಡು ಬಂದ ಹಿನ್ನೆಲೆಯಲ್ಲಿ ಅವರು ಭೂಮಿಗೆ ಮರಳುವಿಗೆ ವಿಳಂಬ ಆಗಿತ್ತು. 2024 ಸೆಪ್ಟೆಂಬರ್​ನಲ್ಲಿ ಸುನಿತಾ ವಿಲಿಯಮ್ಸ್​ ಕೊಂಡೊಯ್ದಿದ್ದ ನೌಕೆ, ಯಾವುದೇ ಸಿಬ್ಬಂದಿ ಇಲ್ಲದೇ ಭೂಮಿಗೆ ವಾಪಸ್ ಆಗಿತ್ತು. ಸುನಿತಾ ವಿಲಿಯಮ್ಸ್ ಅನಿರೀಕ್ಷಿತ ಬಾಹ್ಯಾಕಾಶ ವಿಸ್ತರಣೆಯು ಸೂಕ್ಷ್ಮ ಗುರುತ್ವಾಕರ್ಷಣೆಯಲ್ಲಿದ್ದಾಗ 150 ಕ್ಕೂ ಹೆಚ್ಚು ವೈಜ್ಞಾನಿಕ ಪ್ರಯೋಗಗಳ ಕೊಡುಗೆಗೆ ಅವಕಾಶ ಮಾಡಿಕೊಟ್ಟಿದೆ.