ಟೀಂ ಇಂಡಿಯಾಗೆ ಕ್ಯಾಚ್ ಬಿಟ್ಟಿರೋದ್ರಲ್ಲಿ ಅಗ್ರಸ್ಥಾನ.. ಈ ಟೂರ್ನಿಯಲ್ಲಿ ಕೈಚೆಲ್ಲಿದ ಕ್ಯಾಚ್ಗಳೆಷ್ಟು..?
1 min read
೨೦೧೫ ರ ಐಸಿಸಿ ಚಾಂಪಿಯನ್ಸ್ ಟ್ರೋಫಿಯ ಅಂತಿಮ ಪಂದ್ಯದಲ್ಲಿ ಟಾಸ್ ಗೆದ್ದ ನ್ಯೂಜಿಲೆಂಡ್ ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತು. ಭಾರತ ವಿರುದ್ಧ 7 ವಿಕೆಟ್ ಕಳೆದುಕೊಂಡುಚ೨೫೧ ರನ್ ಗಳಿಸಿತ್ತು. ದುಬೈ ಮೈದಾನದಲ್ಲಿ ಟೀಮ್ ಇಂಡಿಯಾ ಸ್ಪಿನ್ನರ್ಸ್, ಕಿವೀಸ್ ಬ್ಯಾಟ್ಸ್‌ಮನ್‌ಗಳಿಗೆ ಮುಕ್ತವಾಗಿ ಆಡಲು ಅವಕಾಶ ನೀಡಲಿಲ್ಲ. ಅದೇ ಸಮಯದಲ್ಲಿ ಫೀಲ್ಡಿಂಗ್ನಲ್ಲೂ ನಿರಾಶೆ ಉಂಟಾಗಿದೆ. ಫೈನಲ್ನಲ್ಲಿ ಒಟ್ಟು ೪ ಕ್ಯಾಚ್ಗಳನ್ನು ಕೈಚೆಲ್ಲಿದ್ದಾರೆ. ಇದರಲ್ಲಿ ೬೩ ರನ್‌ಗಳ ಪ್ರಮುಖ ಇನ್ನಿಂಗ್ಸ್ ಆಡಿದ ಡ್ಯಾರಿಲ್ ಮಿಚೆಲ್ ಕ್ಯಾಚ್ ಕೂಡ ಸೇರಿದೆ. ಈ ಇಡೀ ಟೂರ್ನಿಯಲ್ಲಿ ಕ್ಯಾಚ್ಗಳನ್ನು ಬಿಟ್ಟಿರೋದ್ರಲ್ಲಿ ಭಾರತ ಅಗ್ರ ಸ್ಥಾನದಲ್ಲಿದೆ.
ವಿಶ್ವ ಕ್ರಿಕೆಟ್ ತಂಡಗಳಲ್ಲಿ ಟೀಂ ಇಂಡಿಯಾ ಬಲಿಷ್ಠವಾಗಿದೆ. ಫೀಲ್ಡಿಂಗ್ನಲ್ಲೂ ಅಷ್ಟೇ ಬಲಿಷ್ಠವಾಗಿದ್ದರೂ, ಈ ಟೂರ್ನಿಯಲ್ಲಿ ಬರೋಬ್ಬರಿ ೧೩ ಕ್ಯಾಚ್ಗಳನ್ನು ಬಿಟ್ಟಿರೋದು ಭಾರೀ ಚರ್ಚೆ ಆಗ್ತಿದೆ. ಐಸಿಸಿ ಚಾಂಪಿಯನ್ಸ್ ಟ್ರೋಫಿಯಲ್ಲಿ ಭಾರತ ಒಟ್ಟು ೫ ಪಂದ್ಯಗಳನ್ನ ಆಡಿದೆ. ಗ್ರೂಪ್ ಹಂತದಲ್ಲಿ ಬಾಂಗ್ಲಾ ವಿರುದ್ಧ ೨, ಪಾಕ್ ವಿರುದ್ಧ 2 ಎರಡು ಕ್ಯಾಚ್ ಬಿಟ್ಟಿದ್ದಾರೆ. ಅದೇ ರೀತಿ ಗ್ರೂಪ್ ಹಂತದಲ್ಲಿ ನ್ಯೂಜಿಲೆಂಡ್ ವಿರುದ್ಧ ಮೂರು ಕ್ಯಾಚ್ಗಳನ್ನು ಬಿಟ್ಟಿದ್ದಾರೆ. ಸೆಮೀಸ್ನಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಎರಡು ಕ್ಯಾಚ್ಗಳನ್ನು ಬಿಟ್ಟಿದ್ದಾರೆ. ಅಂತಿಮ ಪಂದ್ಯದಲ್ಲಿ ಒಟ್ಟು ನಾಲ್ಕು ಕ್ಯಾಚ್ಗಳನ್ನು ಕೈಚೆಲ್ಲಿದ್ದಾರೆ. ಮೊಹಮ್ಮದ್ ಶಮಿ ಇಡೀ ಟೂರ್ನಿಯಲ್ಲಿ ಒಟ್ಟು ಮೂರು ಕ್ಯಾಚ್ಗಳನ್ನು ಬಿಟ್ಟು ಮೊದಲ ಸ್ಥಾನದಲ್ಲಿದ್ದಾರೆ. ಬೌಲಿಂಗ್ನಲ್ಲಿ ಅದ್ಭುತ ಪ್ರದರ್ಶನ ನೀಡಿರುವ ಅವರು 9 ವಿಕೆಟ್ ಪಡೆದುಕೊಂಡರು. ಚಿನ್ನದ ಬಾಲ್ ಸ್ಪರ್ಧೆಯ ರೇಸ್ನಲ್ಲಿದ್ದ ಶಮಿ, ಕೇವಲ ಒಂದು ವಿಕೆಟ್ನಿಂದ ವಂಚಿತರಾದರು.
