ದಾಖಲೆಯ ಬಜೆಟ್​ ಮಂಡನೆಗೆ ಸಿಎಂ ಸಿದ್ದರಾಮಯ್ಯ ರೆಡಿ

ಬೆಂಗಳೂರು: ಇಂದು ಕರ್ನಾಟಕದ ಪಾಲಿಗೆ ಅತ್ಯಂತ ಮಹತ್ವದ ದಿನ. ಸಿಎಂ ಸಿದ್ದರಾಮಯ್ಯ ಇಂದು ತಮ್ಮ ದಾಖಲೆಯ 16ನೇ ಬಜೆಟ್​ ಮಂಡನೆ ಮಾಡುತ್ತದ್ದಾರೆ.  ಗ್ಯಾರಂಟಿ ಹೊರೆ, ಅನುದಾನದ ಕೊರತೆ ನಡುವೆಯೂ ಸಮತೋಲಿತ, ವಾಸ್ತವದ ಬಜೆಟ್​ ಮಂಡನೆ ಮಾಡುವ ಲೆಕ್ಕಾಚಾರದಲ್ಲಿ ಸಿಎಂ ಸಿದ್ದರಾಮಯ್ಯ ಇದ್ದಾರೆ. ಹೀಗಾಗಿ ಇಡೀ ರಾಜ್ಯದ ಜನರು ನಿರೀಕ್ಷೆಗಣ್ಣಿನಿಂದ ಸಿದ್ದರಾಮಯ್ಯರ ಸೂಟ್​ಕೇಸ್​ನಲ್ಲಿ ಏನೆಲ್ಲ ಲೆಕ್ಕ ಅಡಗಿದೆ ಎಂದು ತುದಿಗಾಲಲ್ಲಿ ನಿಂತು ಕಾಯ್ತಿದ್ದಾರೆ.

ಒಂದು ಕಡೆ ಗ್ಯಾರಂಟಿಗಳ ಹೊರೆ. ಮತ್ತೊಂದು ಕಡೆ ಬೃಹತ್ ಯೋಜನೆಗಳಿಗೆ ಅನುದಾನದ ಕೊರತೆ. ಮತ್ತೊಂದು ಕಡೆ ರಾಜಸ್ವ ಕೊರತೆಯ ನಡುವೆ ಸಾಲ ಪಡೆದು, ಆರ್ಥಿಕ ಶಿಸ್ತು ಕಾಪಾಡಬೇಕಾದ ಅನಿವಾರ್ಯತೆ. ಈ ಎಲ್ಲ ಸವಾಲುಗಳ ನಡುವೆ ಇಂದು ಸಿಎಂ ಸಿದ್ದರಾಮಯ್ಯ ಬಜೆಟ್​ ಮಂಡನೆ ಮಾಡಲು ಸಿದ್ಧರಾಗಿದ್ದಾರೆ. ಇಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ತಮ್ಮ ದಾಖಲೆಯ 16ನೇ ಬಜೆಟ್ ಮಂಡನೆ ಮಾಡಲಿದ್ದಾರೆ.

ಮುಖ್ಯಮಂತ್ರಿಯಾಗಿ ಅವರು 9ನೇ ಬಜೆಟ್​ ಮಂಡಿಸಲಿದ್ದಾರೆ. ಹೀಗಾಗಿ ಸಿದ್ದು ಬಜೆಟ್​​ ಲೆಕ್ಕ ಹೇಗಿರಲಿದೆ ಎಂದು ಇಡೀ ರಾಜ್ಯವೇ ಕುತೂಹಲ ಮತ್ತು ನಿರೀಕ್ಷೆ ಗಣ್ಣಿನಿಂದ ಎದುರು ನೋಡ್ತಿದೆ. ಈ ಬಾರಿ ಸಮತೋಲಿತ, ವಾಸ್ತವದ ಬಜೆಟ್ ಮಂಡನೆಯ ಪ್ಲಾನ್​ ಮಾಡಿರುವ ಸಿಎಂ, ಹೊಸ ಯೋಜನೆ ಜೊತೆಗೆ ಹೂಡಿಕೆಗೆ ಹೆಚ್ಚಿನ ಆದ್ಯತೆ ನೀಡುವ ಸಾಧ್ಯತೆ ಇದೆ.

ಈ ಬಾರಿ ಬಜೆಟ್​ ಗಾತ್ರ 4 ಲಕ್ಷ ಕೋಟಿ ದಾಟುವ ಸಾಧ್ಯತೆ

ಕಳೆದ ಬಾರಿ ಲೋಕಸಭಾ ಚುನಾವಣೆ ಗಮನದಲ್ಲಿಟ್ಟುಕೊಂಡು ಸಿದ್ದರಾಮಯ್ಯ ಬಜೆಟ್​ ಮಂಡನೆ ಮಾಡಿದ್ರು. ಈ ಬಾರಿ ಆರ್ಥಿಕ ಶಿಸ್ತು ಕಾಪಾಡುವ ತುಂಬಾ ಬುದ್ಧಿವಂತಿಕೆಯ. ಆದಷ್ಟೂ ವಾಸ್ತವ ಹಾಗೂ ಸಮತೋಲಿತ ಬಜೆಟ್ ಮಂಡಿಸಲು ಸರ್ವ ತಯಾರಿ ಮಾಡಿದ್ದಾರೆ. ಕಳೆದ ಬಾರಿ 3.71ಲಕ್ಷ ಕೋಟಿ ಗಾತ್ರದ ಬಜೆಟ್ ಮಂಡಿಸಲಾಗಿತ್ತು. ಈ ಬಾರಿ ಅದು 4 ಲಕ್ಷ ಕೋಟಿ ದಾಟುವ ಸಾಧ್ಯತೆ ದಟ್ಟವಾಗಿದೆ. ದಾಖಲೆಯ 16ನೇ ಬಜೆಟ್​​​ ಮಂಡನೆ ಸಿದ್ಧವಾಗಿರುವ ಸಿದ್ದರಾಮಯ್ಯಗೆ ಮಂಡಿ ನೋವು ಬಾಧಿಸುತ್ತಿದೆ. ಹೀಗಾಗಿ ಅವರು ಕುಳಿತುಕೊಂಡೇ ಆಯವ್ಯಯ ಮಂಡಿಸಲಿದ್ದಾರೆ ಎನ್ನಲಾಗ್ತಿದೆ. ಇಂದು ಬೆಳಗ್ಗೆ 9.45ಕ್ಕೆ ಸಿಎಂ ಸಿದ್ದರಾಮಯ್ಯ ವಿಶೇಷ ಸಂಪುಟ ಸಭೆ ನಡೆಸಲಿದ್ದಾರೆ. ಈ ವೇಳೆ ಸಭೆಯಲ್ಲಿ ಬಜೆಟ್​​ಗೆ ಒಪ್ಪಿಗೆ ಪಡೆದ ಬಳಿಕ ಸದನದಲ್ಲಿ ಮಂಡನೆ ಮಾಡಲಿದ್ದಾರೆ. ಮಂಡಿ ನೋವಿನ ಕಾರಣ ಅವರು ಕುಳಿತುಕೊಂಡೇ ಬಜೆಟ್ ಮಂಡಿಸುವ ಸಾಧ್ಯತೆ ಇದೆ. ಬೆಳಗ್ಗೆ 10.15 ನಿಮಿಷಕ್ಕೆ ಬಜೆಟ್​ ಪ್ರತಿ ಓದಲು ಆರಂಭಿಸಲಿರುವ ಸಿಎಂ, ಹಲವು ಕಲ್ಯಾಣ ಕಾರ್ಯಕ್ರಮಗಳನ್ನು ಬಜೆಟ್​ನಲ್ಲಿ ಮಂಡಿಸುವ ನಿರೀಕ್ಷೆ ಇಟ್ಟುಕೊಳ್ಳಲಾಗಿದೆ.

ಬಜೆಟ್‌ ನಿರೀಕ್ಷೆಗಳೇನು?

ಈ ಪೈಕಿ ಜನವರಿವರೆಗೆ 2,21,297 ಕೋಟಿ ರೂ. ಅನುದಾನ ಬಿಡುಗಡೆ

​2024-25ರ ವರ್ಷದ 10 ತಿಂಗಳಲ್ಲಿ ಇಲಾಖಾವಾರು ಒಟ್ಟು 62% ಪ್ರಗತಿ

ಉಳಿದಿರುವ 1 ತಿಂಗಳಲ್ಲಿ ಸುಮಾರು 38% ಆರ್ಥಿಕ ಪ್ರಗತಿ ಕಾಣಬೇಕಿದೆ

ಎಲ್ಲಾ ಇಲಾಖೆಗಳಿಗೆ 3,22,042 ಕೋಟಿ ರೂ. ಬಜೆಟ್ ಅನುದಾನ ಹಂಚಿಕೆ

ಉಳಿದಿರುವ 1 ತಿಂಗಳಲ್ಲಿ ಸುಮಾರು 38% ರಷ್ಟು ಆರ್ಥಿಕ ಪ್ರಗತಿ ಕಾಣಬೇಕಿದೆ

ಸಂಪನ್ಮೂಲಗಳ ಕ್ರೋಢೀಕರಣದ ಸವಾಲಿನ ಮಧ್ಯೆ ಬಜೆಟ್​ ಮಂಡನೆ

ಇದ್ರಲ್ಲಿ ಜನವರಿವರೆಗೆ 1,99,930 ಕೋಟಿ ರೂ. ಖರ್ಚು ಮಾಡಲಾಗಿದೆ

ಇನ್ನು ಜನವರಿವರೆಗೆ 21,367 ಕೋಟಿ ರೂ. ಖರ್ಚು ಆಗದೇ ಉಳಿದಿದೆ

2023-24 ಸಾಲಿನ ಈ ಅವಧಿಗೆ 73.19% ರಷ್ಟು ಆರ್ಥಿಕ ಪ್ರಗತಿ ಆಗಿತ್ತು

ಕಳೆದ ಆರ್ಥಿಕ ವರ್ಷಕ್ಕೆ ಇದೇ ಅವಧಿಗೆ ಹೋಲಿಸಿದ್ರೆ ಆರ್ಥಿಕ ಪ್ರಗತಿ ಕುಂಠಿತ

ಇಲಾಖಾವಾರು ಒಟ್ಟು ಆರ್ಥಿಕ ಪ್ರಗತಿ ಸುಮಾರು 11% ಕುಂಠಿತ ಕಂಡಿದೆ

ಅಂತಿಮ 2 ತಿಂಗಳಲ್ಲಿ 1,00,745 ಕೋಟಿ ರೂ. ಅನುದಾನ ವಿನಿಯೋಗ ಬಾಕಿ

ಹೀಗಾಗಿ ಬಜೆಟ್ ಅನುಷ್ಠಾನದ ಆರ್ಥಿಕ ಪ್ರಗತಿಗೆ ಇನ್ನಷ್ಟು ವೇಗ ನೀಡಬೇಕಾಗಿದೆ